أبوذيه ؟؟

[center][u][b][color=green][size=24]اريد اصعد جبل حمرين كله
على الي نايمات بوسط كله
حبيبي لاتفل الشعر كــــله
اخافن من سواده يعم عليه



جنيت اهموم حبك منت جاني
ويمر طيفك عليه منت جاني
صرت كاتب ومخرج ومنتج اني
اعد افلام ضيم المر عليه



يالي تلبس مرة اسود مرة حني
مرة بس مرة إرحمينه ومرة حني
نذر لو إحاجيج انه إلبابج احني
واذا ابوسج احني اجفوف إدية





عند تفجير قبة الامام علي الهادي كبت هذه الابوذيه
ودينـــه
ماهو منا الباع اصله وديـــنه
واني استنكر هذا العمل وادينه
القبه نبنيها بأرواحنه وديـنه
وتضل قبتك عاليه وضويه




الك شفتين يشكر ولعني
واحس ابنار حبهن ولعني
شني امسودن واكلك ولعني
لو شارب نفط واجنون بيه؟؟؟






وكعت وصحت انة الك اخ اخ
تأذيت وبجيت هواي اخ اخ
حسافة تعوفني يا خوي اخ اخ
اذا بأول مصية نكتت بية






الك حن الگلب يسمر والك مال
وذاب الگلب من هجرك والك مال
ولاني ناجح بحبك ولااكمال
ولاراسب واگلك حيل بيه



حديقة بعلم رب الكون ظليت....
وعلى درب العلم ياناس ظليت...
شجرة وبس على العاوين ظليت...
وصرت سايق مخدة وجودلية[/size][/color][/b][/u][/center]